बिहीबार थप ३ हजार ६३७ जनामा कोरोना पुष्टि भएको छ । यससंगै देशभर कुल संक्रमित हुनेको संख्या १ लाख ४८ हजार ५०९ पुगेको छ ।
पछिल्लो समयमा देशभर संक्रमितको संख्या बढ्दै गएको छ । यसअघि हिजै मात्र देशभर ३ हजार ९३ जनामा कोरोना पुष्टि भएको थियो ।
मन्त्रालयका अनुसार हालसम्म १ लाख २ हजार ८२० जना निको भएर घर फर्किसकेका छन् । विगत २४ घण्टामा मात्रै ३ हजार २१५ जना कोरोना जितेर घर फर्किएका छन् । हाल ४४ हजार ८७७ जना उपचाररत छन् ।
यस्तै पछिल्लो २४ घण्टामा कोरोनाका कारण थप २१ जनाको मृत्यु भएको छ । यससँगै मृतकको संख्या ८ सय १२ पुगेको छ ।
