बिहीबार थप २ हजार ३६४ जनामा कोरोना पुष्टि भएको छ । यससंगै देशभर कुल संक्रमित हुनेको संख्या १ लाख ६४ हजार ७१८ पुगेको छ ।
पछिल्लो समयमा देशभर संक्रमितको संख्या बढ्दै गएको छ । मन्त्रालयका अनुसार हालसम्म १ लाख २४ हजार ८६२ जना निको भएर घर फर्किसकेका छन् । विगत २४ घण्टामा मात्रै ३ हजार ३८ जना कोरोना जितेर घर फर्किएका छन् । हाल ३८ हजार ९५२ जना उपचाररत छन् ।
यस्तै पछिल्लो २४ घण्टामा कोरोनाका कारण थप १७ जनाको मृत्यु भएको छ । यससँगै मृतकको संख्या ९ सय ४ पुगेको छ ।