कैलाश एयरको हेलिकप्टर नुवाकोटमा आकस्मिक अवतरण भएको छ । बागलुङबाट काठमाडौं आउँदै गरेको हेलिकप्टर आकाशमै चरासँग ठोक्किएपछि नुवाकोटमा आकस्मिक अवतरण गरेको हो ।
प्रदेश ३ का प्रमुख डीआईजी बसन्त लामाका अनुसार हेलिकप्टरमा सवार सबै ६ जना सकुशल रहेका छन् । एक जना यात्रुको भने घुँडामा सामान्य चोट लागेको छ । हेलिकप्टरको अघिल्लो भागमा सामान्य क्षति पुगेको छ । यात्रु लिन भने काठमाडौँबाट अर्को हेलिकप्टर पठाइएको छ ।
