बाणिज्य बैंकको मर्जरको चर्चा चलिरहँदा ३ वटा बैंकले ठुलो संख्यामा कर्मचारी माग गरेका छन् । जनता, सेन्चुरी र हिमालयन बैंकले गरी ४५० भन्दा बढी कर्मचारी माग गरेका हुन् । बुधबार सूचना प्रकाशित गरी ३ वटै बैंकले २ साता भित्र आवेदन दिन आग्रह गरेका छन् ।
जनता बैंकले म्यानेजमेन्ट ट्रेनीमा ५० जना र जुनियर एसीसटेन्टमा १५० जना कर्मचारी माग गरेको हो । ट्रेनीको लागि ब्याचलर र एसीसटेन्टको लागि मास्टर्सको योग्यता तोकिएको छ । बैंकले १७ जुलाईसम्ममा मेरो जब मार्फत आवेदन दिन आग्रह गरेको छ ।
त्यस्तै सेन्चुरी बैंकले ३० जना म्यानेजमेन्ट ट्रेनी र १२५ जना ट्रेनी एसीसटेन्ट माग गरेको छ । म्यानेजमेन्ट ट्रेनीको लागि मास्टर्स र ट्रेनी एसीसटेन्टको लागि १२ पास भएको योग्यता हुनु पर्ने बैंकले उल्लेख अग्रेको छ । त्यस्तै बैंकले अन्य ६ पदको लागि ६ कर्महरी माग गरेको छ । सीएमएस जब मार्फत १७ जुलाईसम्ममा आवेदन दिन सकिने बैंकले जनाएको छ ।
त्यस्तै हिमालयन बैंकले ४२ जना सुपरभाइजर र ४३ जना जुनियर स्टाफ माग गरेको छ । सुपरभाइजरको योग्यता मास्टर्स हुनु पर्ने र एसीसटेन्टको योग्यता ब्याचलर गरेको हुनु पर्ने बैंकले जनाएको छ । १७ जुलाईसम्ममा बैंकको वेबसाइट मार्फत आवेदन दिन सकिने छ ।
