नेपाल उद्योग वाणिज्य महासंघ प्रदेश नम्बर २ का अध्यक्ष शिव कुमार शाह ९हिरा० ले महासंघका पूर्व अध्यक्ष चण्डीराज ढकाललाई किशोर प्रधानसँग चुनाव लड्न चुनौती दिएका छन् । जनकपुरमा आयोजित बरिष्ठ उपाध्यक्ष किशोर प्रधान समूहको चुनावी कार्यक्रममा बोल्दै उनले यस्तो बताएका हुन् ।
कार्यक्रममा अध्यक्ष शाहले चण्डीराज ढकाल महासंघका लागि क्यान्सर भएको आरोप लगाए । कोरोना महामारीको वर्तमान समयमा सहमतिमा नै महासंघको आगामी नेतृत्व चयन हुनुपर्ने भएपनि ढकालले नै सहमतिको वातावरण विथोलेको उनको आरोप छ ।
चण्डीराज ढकालले महासंघमा जहिल्यै भाडभैलो मच्चाउने गरेको भन्दै उनले अब यो क्यान्सरको उपचार गर्ने बेला आएको बताए । उनले पूर्व अध्यक्ष ढकाललाई विरष्ठ उपाध्यक्षमा चुनाव लडेर किशोर प्रधानको सामना गर्न चुनौती पनि दिए ।
“मदन भण्डारीले राजालाई आखा नझिम्काईबक्सियोस् भनेको हामी सम्झन्छौ“ शाहले भने “यो माता जानकीको पवित्र जन्मभूमिबाट म उहाँलाई चेतावनी दिन चाहन्छु, तपाईं सक्नुहुन्छ भने कुनै एक व्यक्तिलाई बोकेर होइन, आफैं वरिष्ठ उपाध्यक्षमा चुनाव लड्न आउनुहोस् किशोर प्रधान त्यसको सामना गर्न तयार हुनुहुन्छ ।“