कतारी नागरिक अब्दुल्लाह युसुफ रहमान अल फखु्र ह्वील चियरमा नेपाल घुम्न आएका छन् । ७४ बर्षिय फख्रुर सन् २०२० मा नेपाल भ्रमणमा आउने पहिलो कतारी नागरिक समेत हुन् ।
नेपाली दूतावास कतारले आयोजना गरेको ‘नेपाल भ्रमण बर्ष २०२०’को शुभारम्भ कार्यक्रममा राजदूत डा.नारदनाथ भारद्वाजले फख्रुरलाई भिषा प्रदान गरेका थिए । बेल्जियममा कार्यवाहक राजदूत, युएइमा राजदूत तथा यूएन मिशनमा प्रमुख भएर काम गरिसकेको फख्रुरले यसअघि पनि नेपालको भ्रमण गरिसकेका छन् ।
नेपाल भ्रमण वर्ष २०२० सफल बनाउन कतार एयरवेज छोडेर फखु्र नेपाल एयरलाइन्समार्फत काठमाडौँ ओर्लिएका हुन् ।