सेयरबजार साप्ताहिक रिभ्यु: बुक क्लोजपछि पनि पुँजीकरणमा टेलिकम नै अगाडी, नेपाल लाइफको कारोबार उच्च

सेयरबजारमा यो साता करिब १ अर्ब ६१ करोड ७७ लाख रुपैया बराबरको सेयर किनबेच भएको छ। यो कारोबार रकम गत साताको तुलनामा झन्डै ५१ प्रतिशतले कम हो। यो साता दैनिक औषत ३२ करोड रुपैयाँ बराबरको सेयर कारोबार भएको छ।

साताभरिमा बजार परिसूचक नेप्से १२०४.५४ को उच्चस्थानमा र ११७८.०१ को न्यून बिन्दुमा झर्यो।। बिहिबारको कारोबार बन्द हुँदा नेप्से ११७८।०१ को बिन्दुमा ओर्लिएको थियो। 

उच्च पूँजीकरण भएका १० कम्पनी 

यस हप्ता बजार पूँजीकरणमा सदा झैं नेपाल दूरसञ्चार कम्पनी पहिलो स्थानमा रहेको छ| साधारणसभाको लागि बुक क्लोज पश्चात मूल्यमा गिरावट आउँदा पनि बजार पूँजीकरणमा भने सबैलाई उछिनेको छ | नेपाल इन्भेष्टमेन्ट बैंक लगायतको पूँजीकरणमा केहि कमि देखिनुको कारण बोनस शेयर समायोजन नहुनु हो | अहिले पनि उच्च पूँजीकरण हुने कम्पनीमा परिवर्तन आउन सकेको छैन | कहिलेकाहीँ कम्पनीको स्थान मात्र परिवर्तन हुने गरेको छ | गत हप्ता चौथो स्थानमा रहको नेपाल लाइफ इन्सुरेन्स यस हप्ता पाँचौ स्थानमा झरेको छ | गत हप्ता पाँचौ स्थानमा रहेको स्ट्याण्डर्ड चार्टड पाँचौ स्थानबाट चौथो स्थानमा उक्लेको छ |