कजाखस्तानमा बेक एयरको एउटा यात्रुबाहक विमान दुर्घटनाग्रस्त भएको छ । शुक्रवार बिहान अल्माटी विमानस्थलबाट उडेको केही बेरमै विमान २ तले घरमा ठोक्किन पुगेको हो ।
विमानमा ९५ यात्रु र चालक दलका ५ सदस्य गरी कुल १०० जना सवार रहेको बताईएको छ । हालसम्म ७ जनाको मृत्यु भएको पुष्टि भएको र उद्दार कार्य जारि रहेको अन्तर्राष्ट्रिय संचार माध्यमहरुले बताएका छन् । उक्त विमान अल्माटीबाट देशको राजधानी नुरसुल्तानतर्फ जाँदै गरेको र स्थानीय समय अनुसार बिहान ७ बजेर ५ मिनेट जाँदा रेडारबाट हराएको बताईएको छ । उडेको केहि समय मै विमान दुर्घटना भएको हो ।
दुर्घटनाको थप विवरण आउँन बाँकि छ ।