अफगानिस्तानमा सोमबार एउटा यात्रुबाहक विमान दुर्घटनाग्रस्त भएको त्यहाँका स्थानीय संचार माध्यमहरुले जनाएका छन् । पूर्वी अफगानिस्तानको गजनी प्रान्तमा विमान दुर्घटना भएको जनाईएको छ ।
स्थानीय समय अनुसार १ बजेर १० मिनेटमा सरकारी स्वामित्वको एयर एरियाना विमान दुर्घटनाग्रस्त भएको अन्तराष्ट्रिय संचार माध्यमहरुले जनाएका छन् । विमानमा ८३ यात्रु रहेको र विमान दुर्घटना भएपश्चात आगो लागेको उल्लेख छ ।
यद्यपि कम्पनीले भने विमान दुर्घटनाको पुष्टि गरिसकेको छैन । कम्पनीले विमान दुर्घटना भएको तर आफ्नो कम्पनीको नभएको प्रारम्भिक प्रतिकिर्य दिएको छ ।