सरकारले आगामी बजेटको लागि करसँग सम्बन्धित विषयमा सुझाव माग गरेको छ ।अर्थ मन्त्रालय अन्तर्गतको नेपाल राजश्व परामर्श समितिले आर्थिक वर्ष ७८/७९ को बजेट तर्जुमाको सन्दर्भमा सुझाव माग गरेको हो ।
समितिले राजश्व नीति , भन्सार महशुल, मूल्य अभिवृद्धि कर, आयकर, अन्तशुल्क, गैर कर तथा राजश्व चुहावट नियन्त्रणका साथै समग्र राजश्व प्रशासनको सुधारको सम्बन्धमा सुझावहरु माग गरेको हो । समितिले सुझावहरु २०७७ चैत्रसम्म पठाईसक्न आग्रह गरेको छ ।
समितिले सरकारी निकाय, संघसंस्था, बुद्धिजीवी तथा सम्पूर्ण सरोकारवालाहरुसँग सुझाव माग गरेको हो । समितिले आफ्ना सुझाव समितिको इमेलमा पठाउन आग्रह गरेको छ ।