पूर्वअर्थमन्त्री तथा नेकपा एमालेका सांसद सुरेन्द्र पाण्डेले वृद्धभत्ता एमालेले सुरु गरेको ब्राण्ड भएकाले जुनसुकै सरकारले जति वर्षमा झारेपनि फरक नपर्ने बताएका छन् ।
सरकारले ६८ वर्षमै वृद्धभत्ता दिने निर्णय बजेटमार्फत नै गरेपछि नेता पाण्डेले यसवापत एमालेले नै स्याबासी पाउने बताए ।
‘वृद्धभत्ता जतिसुकै कुरा गरेपनि यो एमालेको ब्राण्ड जस्तो हुन्छ, तपाई ६८ मा झार्नुस्, ५८ मा झार्नुस् केही फरक पर्दैन’ उनले भने, ‘वृद्धभत्ता जे गर्नुस् त्यो एमालेकै दाबी हुन्छ । एमालेलाई नै मान्छेले स्याबास् गर्छन् । ताली ठोक्छन् । तर तपाईले आफैँले पनि ५ हजार पुर्याउँछु भनेर हिजो घोषणापत्रमा बोलेको होइन र ? पाँच पुर्याएको भए त अझ राम्रो हुन्थ्यो नि । किन गर्नुभएन ? त्यसमा बरु गुनासो छ।’
