.gif)
पूर्व अर्थसचिव रामेश्वर खनालले सरकारले लगानीको क्षेत्रमा निजी क्षेत्रलाई डोर्याएर लैजानु पर्ने बताएका छन् ।
शुक्रबार आयोजित प्रि- बजेट अन्तरक्रिया कार्यक्रमा उनले यस्तो बताएका हुन्। उनले सरकार र निजी क्षेत्रले समानान्तर लगानी पनि गर्न नहुने बताए ।
सरकारले अगामी बजेटमा हाइड्रोपावर, पर्यटन र कृषि क्षेत्रलाई विशेष प्राथमिकता दिनु पर्नेमा उनले जोड दिए। मुुलुकको अर्थतन्त्रमा पर्यटनले ठूलो टेवा दिन सक्ने भन्दै उनले सरकारले बजेटमा यो क्षेत्रलाई विशेष प्राथमिकता दिनु पर्ने बताए ।
सडक पूर्वाधारमा आर्थिक रणनिती, ट्रान्समिसन लाइन र व्यापारका विषयमा पनि सरकारले बजेट ल्याउँदा दिनुपर्नेमा उनको जोड छ।
सरकारले निजी क्षेत्रलाई थप लगानी गर्न प्रोत्साहित गर्नुपर्ने उनले बताए ।
उनले खानी, वन स्रोत तथा बहुमूल्य जडीबुटीमा सरकारले नेतृत्व गर्दा निजी क्षेत्रले छोटो समयमै फड्को मार्न सक्ने र अर्थतन्त्रमा सुधार आउने बताए ।
