.gif)
नेपाल चेम्बर अफ कर्मसका अध्यक्ष कमलेश अग्रवालले आर्थिक वर्ष २०८१ / ८२ को बजेट फरक ढङगले आएको बताएका छन् ।
मंगलबार अर्थमन्त्री बर्षमान पुनले सार्वजनिक गरेको बजेटमाथि प्रतिक्रिया दिंदै उनले यस्तो बताएका हुन् ।
राजस्वको लक्ष्यहरुलाई सन्तुलित हिसाबले राखिएको उनको धारणा छ । बजेटमा आएका कार्यक्रमहरु कार्यान्वयन पनि हुनुपर्नेमा पनि उनले जोड दिएका छन् ।
निजी क्षेत्रले प्रस्तुत गरेका सुझावहरुलाई बजेटले केही हदसम्म सम्बोधन गर्ने कोसिस गरेको अध्यक्ष अग्रवालको भनाइ छ ।
सरकारले आन्तरिक र वैदेशिक गरेर ५ खर्ब ४७ अर्ब ६६ करोड ऋण लिने भएको छ । ऋणमा आधारित बजेट नभएर वितरणमुखी बजेटलाई कम गरेमा आगामी बजेट उपयोगी हुने उनको भनाइ छ ।
