नेपाल चामल तेल दाल उद्योग संघले मैदा उद्योगले आयात गर्ने कच्चा पदार्थ गहुँमा लागेको २.५ प्रतिशत अग्रिम आयकर थेग्न नसक्ने हुँदा स्वदेशी उद्योगलाई प्रत्यक्ष असर पर्ने बताएको छ ।
संघले बुधबार पत्रकार सम्मेलन गर्दै सरकारले आर्थिक वर्ष २०८१/०८२ को लागि ल्याएको बजेटका समग्र पक्ष स्वागतयोग्य भए पनि गहुँबाट आँटा, सुजि, चक्की आँटा, चोकर जस्ता खाद्य वस्तु उत्पादन गर्ने उद्योगलाई अग्रिम आयकरको भारले प्रत्यक्ष मार पर्ने बताएको छ ।
कृषिमा आधारित मैदा उद्योगलाई प्रत्यक्ष असर पर्ने भएकोेले मैदा उद्योगको कच्चा पदार्थ गहुँमा लागेको अग्रिम आयकर हटाउन पनि संघको सरकाको ध्यानाकर्षण गराएको छ ।
साथै संघले औद्योगिक प्रयोजनको लागि भारतबाट आयात हुने गहुँ र व्यापारीले आयात गर्ने तयारी मैदा दुबैको भन्सार महसु्ल र अग्रीम आयकर हेर्दा अब कच्चा वस्तुभन्दा तयारी वस्तु नेपालमा आयात गर्न सस्तो (गहुँको कर बढी र मैदाको कर कम ) हुने देखिन्छ । जसले गर्दा स्वदेशी मैदा उद्योग धाराशायाी हुने निश्चित भएको बताएको छ ।
कृषिमा आधारित मैदा उद्योगबाट उत्पादित मैदा तथा आंटा देशमा आत्मनिर्भर भएको खाद्य वस्तु हो भन्दै संघले कच्चा पदार्थ गहुँ र तयारी मैदा आयातमा समान कर लगाउँदा भोलिका दिनमा स्वदेशी मैदा उद्योग धमाधम बन्द भई ठूलो लगानी जोखिममा पर्न जाने बताएको छ । साथै उसले ब्यापारिक प्रयोजनको लागि आयात गरिने गहुँ र मैदामा कर लगाउँदा राम्रो हुने तर स्वदेशी उद्योगले औद्योगिक प्रयोजनको लागि आयात गर्ने गहुँमा अग्रिम आयकर नलगाउन पनि भनेको छ ।
संघका गहुँमा अग्रिम आयकर लगााएको खण्डमा पर्ने असरहरु बारे निम्न बुँदाबाट प्रष्ट पार्न खोजेको छ ।
२. समायोजन नगरेको रकम (अग्रिम आयकर र बर्षको तिर्नु पर्ने आयकरको ब्यालेन्स रकम) अर्को बर्षको लागि अग्रेशन (carry forward) गर्न अनुमति दिएको छैन र हामी यसलाई खर्चको रुपमा पनि बुक गर्न सक्दैनौं । यसमा आयकरको ऐनको प्रावधान प्रष्ट छैन ।
३. अग्रिम आयकरको रकम जुनकी आयकरबाट असुल गर्न मिल्ने अवस्था छैन । त्यसमा पनि बिक्री गर्नु भन्दा पूर्व लागतको रुपमा अग्रिम आयकरलाई जोडन एकाउन्टिङ प्रिन्सिपलको आधारमा नमिल्ने भएकोले यहाँ लागत बढी र बिक्री रकम घट्न आउँछ जुन कुनै हालतमा उपयुक्त देखिदैन ।
४. अतिरिक्त महसुलले मैदा/आँटाको मुल्य बढन गई आयातित मैदासँग प्रतिस्पर्धा गर्न नसक्ने ।
५. मैदा/आँटा/चोकरको अबैध आयातलाई प्रोत्साहन मिल्छ र राज्यको राजस्वमा नकारात्मक असर पर्न जान्छ ।
६. अरबौको स्वदेशी लगानी डुब्ने सम्भावना र रोजगारीमा प्रत्यक्ष असर पर्छ ।
७. स्वदेशी मैदा उद्योग बन्द हुँदा आयातित मैदा/आँटा/चोकरमा भर पर्नुपर्ने र उपभोक्ताले गुणस्तरिय पिठो खानबाट बन्चित हुने ।
.gif)
