प्रधानमन्त्री पुष्प कमल दाहाल प्रचण्डले आगामी आर्थिक वर्षको बजेटमा कुनै विभेद नभएको दाबी गरेका छन् ।
प्रधानमन्त्री दाहालले बजेट सांसदहरुसँग छलफल गरेरै ल्याइएको र सबै क्षेत्रलाई समेटिएको समेत बताए । उनले ३ करोड रुपैयाँभन्दा कम रकम विनियोजन भएका आयोजनाहरु प्रदेश र स्थानीय तहबाटै कार्यान्वयन हुने कुरा फेरि दोहोर्याएका छन् ।
बिहीबार प्रतिनिधिसभामा आयोजित सवालजवाफ बोल्दै प्रधानमन्त्री दाहालले साना आयोजनाहरु संघले नलिने र स्थानीय तह वा प्रदेशलाई नै जिम्मा लगाउने बताएका छन् ।
साथै उनले निर्माण व्यवसायीको बक्यौता भुक्तानी गर्न कुनै समस्या नभएको र क्रमश दिंदै जाने पनि बताए । सांसदहरुले सोधेका प्रश्नहरूको जवाफमा उनले पोखरा अन्तरराष्ट्रिय विमानस्थल दिगो सञ्चालनका सम्बन्धमा सरोकारवालाहरूसँग छलफल र समन्वय गरी तदारूकताकासाथ भइरहेको उनले बताए ।
उनले अन्य मुलुकका अन्तरराष्ट्रिय वायुसेवाहरूले पोखरा विमानस्थलबाट सेवा सञ्चालन गर्नका लागि विभिन्न छूटहरू तथा सहुलियतहरू माग गरेको पनि बताए । सांसदहरुले विभिन्न विषयमा सोधेका प्रश्नको जवाफ प्रम दाहालले दिइरहेका छन् ।
.gif)
