नेपाल इन्स्योरेन्स Nepal Insurance Company Limited ले साधारणसभा आह्वान गरेको छ । कम्पनीले भदौ ८ गते आइतबार सिनामंगलको होटेल एयरपोर्टमा सभा डाकेको हो ।
सभाले लाभांश लगायतका प्रस्ताव पारित गर्ने छ। कम्पनीले ७४/७५ को मुनाफाबाट लगानीकर्तालाई ७.५ प्रतिशत बोनस वितरण गर्ने प्रस्ताव गरेको छ । सुरुमा कम्पनीले नगद लाभांश पनि प्रस्ताव गरेकोमा बिमा समितिले अनुमति नदिएको भन्दै बोनस शेयर मात्र वितरण गर्ने भएको हो । यस संगै लगानीकर्ताले बोनसमा लाग्ने कर आफैले तिर्नु पर्ने भएको छ ।
कम्पनीले साधारणसभा प्रयोजनको लागि साउन २४ गते बुक क्लोज गर्ने निर्णय गरेको छ । साउन २३ गतेसम्म कायम शेयरधनीले मात्र सभामा भाग लिन प्रस्तावित लाभांश पाउन सक्ने छन् । हाल कम्पनीको पुंजी १ अर्ब १ करोड ९१ लाख रहेको छ ।
