बाली तथा पशुपन्छी बीमाबाट ४९ करोड संकलन, ३७ करोड २७ लाख सरकारको अनुदान

विजया बास्कोटा

विजया बास्कोटा

Feb 05, 2020 | 06:06:44 PM मा प्रकाशित

laxmi  sunrise bank

बाली तथा पशुपन्छी बीमावापत ४९ करोड रुपैयाँ बीमा शुल्क संकलन भएको छ । बीमा समितिले उपलब्ध गराएको पौष मसान्तसम्मको तथ्याङ्क अनुसार उक्त अवधिमा बाली तथा पशुपन्छी बीमाबाट ४९ करोड ७० लाख ३६ हजार ९३२ रुपैयाँ बीमा शुल्क संकलन भएको हो ।

यस अवधिसम्ममा बाली तथा पशुपन्छी बीमा अन्र्तग ११ अर्ब ५६ करोड ७ लाख ५५ हजार ५७८ बीमाङ्कको ४९ करोड ७० लाख ३६ हजार ९३२ रुपैयाँ बीमा शुल्कमध्ये नेपाल सरकारबाट ३७ करोड २७ लाख ७७ हजार ६९९ रुपैयाँ अनुदान प्राप्त भएको छ । 

५४ हजार बीमालेख जारी 

समितिले उपलब्ध गराएको तथ्याङ्क अनुसार यस अवधिसम्ममा बाली तथा पशुपन्छी बीमामा ५४ हजार ३४७  बीमालेख जारी भएका छन् । पशुपन्छी तथा म ाछा बीमा अन्र्तगत ५३ हजार ४०४ बीमालेख जारी भएका छन् । त्यस्तै, बाली बीमा अन्र्तगत ९४३ बीमालेख जारी भएका छन् । 

पशुपन्छी तथा माछा बीमा  

यस अवधिसम्ममा पशुपन्छी तथा माछा बीमाबाट १० अर्ब ३७ करोड ६९ लाख बीमाङ्कको कुल ४६ करोड ५६ लाख  १८ हजार २६५ रुपैयाँ बीमा शुल्क संकलन भएको छ । ३४ करोड ९२ लाख १३ हजार ६९९ रुपैयाँ अनुुदान प्राप्त भएको छ । 

पशुपन्छी तथा माछा बीमा अन्र्तगत  यस अवधिमा ५३ हजार ४०४ बीमालेख जारी भएका छन् । ५३ हजार ४०४ बीमालेख वापत ४६ करोड ५६ लाख  १८ हजार २६५ रुपैयाँ बीमा शुल्क संकलन भएको छ । गाई, भैसी तथा अन्य पशुधन बीमा, बाख्रा, कुखुरा(बोइलर), कुखुरा (लेयर्स, प्यारेन्ट), अष्ट्रिच र माछा बीमामा सबैभन्दा बढी गाई, भैसी तथा अन्य पशुधन बीमालेख जारी भएका छन् । गाई, भैसी तथा अन्य पशुधन बीमालेख  अन्र्तगत ४५ हजार ६१७ बीमालेख जारी भएका छन् । 

बाली बीमा 

६७ करोड ९८ लाख ४ हजार बीमाङ्कको कुल ३ करोड १४ लाख १८ हजार ६६६ रुपैयाँ बीमा शुल्क मध्ये नेपाल सरकारबाट २ करोड ३५ लाख ६४ हजार रुपैयाँ अनुदान प्राप्त भएको छ । यस अवधिसम्ममा ९४३ वटा बीमालेख जारी भएका छन् । बाली बीमा अन्र्तगत तरकारी, च्याउ, केरा, उखु, स्याउ, सुन्तला, जुनार, कागती, अन्य फलफुल, अलैची, धान, गहुँ, मकै तथा अन्य, चैतेधान, मौरी, चिया , कफि र अन्य बाली बीमालेख कायम भएका छन् । 

१५ करोड ५९ लाख दावी 

यस अवधिसम्ममा कम्पनीहरुले कुल तीन हजार ५०६ दावी वापत १५ करोड ५९ लाख ७८ हजार ७६७ रुपैयाँ दावी भुक्तानी गरेका छन्  । पशुपन्छी तथा माछा बीमा अन्र्तगत ३ हजार २७७ दावी परेका छन् । ३ हजार २७७ दावी वापत कम्पनीहरुले १४ करोड २३ लाख ८८ हजार रुपैयाँ भुक्तानी गरेका छन् । सबैभन्दा धेरै दावी  गाई, भैसी तथा अन्य पशुधन बीमामा परेको छ । गाई, भैसी तथा अन्य पशुधन बीमामा ३ हजार १९ दावी परेका छन् । त्यस्तै, सबैभन्दा थोरै दावी बाख्रा बीमामा परेको देखिन्छ । बाख्रा बीमामा जम्मा १ वटा दावी परेको छ । १ वटा दावी वापत कम्पनीहरुले ६४ हजार ४२८ रुपैयाँ भुक्तानी गरेका छन् । कुखुरा (बोइलर) १७९, कुखुरा (लेयर्स, प्यारेन्ट) ७२, अष्ट्रिच २ र माछा बीमामा ४ वटा दावी परेका छन् । 

त्यस्तै, बाली बीमा अन्र्तगत यस अवधिसम्ममा २२९ दावी परेका छन्  । २२९ दावी वापत बीमा कम्पनीहरुले १ करोड ३५ लाख ९० हजार ४८८ रुपैयाँ भुक्तानी गरेका छन् । बाली बीमा अन्र्तगत तरकारी, च्याउ, केरा, उखु, स्याउ, सुन्तला, जुनार, कागती, अन्य फलफुल, अलैची, धान, गहुँ, मकै तथा अन्य, चैतेधान, मौरी, चिया , कफि र अन्य बाली बीमामा सबैभन्दा धेरै दावी केरा बीमालेखमा परेको छ । यस अवधिसम्मा केरा बीमालेखमा २१२ दावी परेका छन् । २१२ दावी वापत कम्पनीहरुले १ करोड ४८ लाख  रुपैयाँ भुक्तानी गरेका छन् । 

बाली तथा पशुपन्छी बीमाको बीमा शुल्कमा ७५ प्रतिशत अनुदान दिने नेपाल सरकारको नीति रहेको छ । सोही नीति बमोजिम बीमा समितिबाट २०६९ साल माघ १ गतेदेखि बाली तथा पशुपन्छी बीमा निर्देशिका २०६९ जारी भई बाली तथा पशुपन्छी बीमा कार्यक्रम लागू गरिएको हो । हाल बीमा समितिले  २० वटै निर्जीवन बीमा कम्पनीहरुलाई कार्य क्षेत्र तोकेको छ । समितिले कार्य क्षेत्र तोकेका कम्पनीहरुमार्फत बाली तथा पशुपन्छी बीमा गर्न सकिन्छ । 

Share Your Thoughts

Recent News


Main News

TRENDING

Close in 7


Bizpati.com © 2020. All Rights Reserved