नागरिक लगानी कोषको ५० हजार कित्ता शेयर लिलाममा

प्रिमियर इन्स्योरेन्स Premier Insurance Company Limited ले आफ्नो स्वामित्वमा रहेको नागरिक लगानी कोष Citizen Investment Trust  को ५० हजार कित्ता संस्थापक शेयर लिलाम गर्ने भएको छ । कम्पनीले कोषको शेयर प्रतिकित्ता १ हजार ७५० रुपैयाँमा नघट्ने गरि लिलाम गर्न लागेको हो । 

कम्पनीले शेयर लिलामको लागि फागुन ११ गतेका लागि गोप्य शिलबन्दी बोलपत्र आह्वान गरेको छ  । शेयर लिलाम प्रक्रियाको लागि ग्लोबल आइएमई क्यापिटल बिक्रि प्रबन्धक रहेको छ ।  

सो शेयर खरिद गर्न इच्छुक तथा वित्तीय संस्था र बीमा कम्पनीहरुले  ग्लोबल आइएमई क्यापिटल लिमिटेड, राष्ट्रिय नाचघर, जमल काण्माडैँ, प्रिमियर इन्स्योरेन्स कम्पनीको केन्द्रीय कार्यालय तथा ग्लोबल आइएमई बैंक शाखा कार्यलयहरु विराटनगर, वीरगञ्ज, हेटौँडा, पोखरा, बुटवल, सुर्खेत र धनगढीबाट बोलपत्र आवेदन फारम पाउन र बुझाउन सक्ने कम्पनीले जनाएको छ ।