.gif)
अर्थमन्त्री डा. युवराज खतिवडाले नेपालमा एउटा मात्रै पूनर्बीमा कम्पनी पर्याप्त नहुने बताएका छन् । राष्ट्रिय बीमा संस्थानको ५३ औँ वार्षिकोत्सव कार्यक्रमलाई सम्बोधन गर्दै मन्त्री खतिवडाले पूनर्बीमाका जोखिमलाई विविधिकरण गर्न थप पुनर्बिमा कम्पनी आवश्यक पर्ने बताएका हुन् ।
मन्त्री खतिवडाले नेपालमा रहेको एउटा मात्रै पूनर्बीमा कम्पनीका विषयमा छलफल चलाउनु पर्ने भन्दै पुनर्बिमा कम्पनीको संख्या बारे बहस छेडेका हुन् । उनले भने ‘हामीसँग एउटा मात्रै पूनर्बीमा कम्पनी छ । यो विषयमा छलफल चलाउनु पर्ने छ । '
उनले प्रश्न गर्दै भने 'के एउटा मात्रै पूनर्बीमा कम्पनी हुनु पर्ने हो ? के यो नेपाली बीमा बजारका लागि पर्याप्त छ । के एउटा मात्रै पूनर्बीमा कम्पनी सधै भई रहनु पर्ने हो ?’ उनले बीमाका जोखिमलाई विविधिकरण गर्ने हो भने पूनर्बीमाका जोखिमलाई पनि विविधिकरण गर्नु पर्ने बताएका हुन् ।
