महालक्ष्मी लाइफ इन्स्योरेन्सका सिईओ रमेश कुमार भट्टराईले कोरोना रोकथामका लागि दुई महिनाको तलव भत्ता सहयोग गर्ने जनाएका छन् । महालक्ष्मी लाइफका प्रमुख कार्यकारी अधिकृत भट्टराईले आज एक विज्ञप्तीमार्फत सरकारले स्थापना गरेको कोरोना भाइरस रोकथाम, नियन्त्रण तथा उपचार कोषमा सो रकम जम्मा गर्ने जनाएका हुन् ।
विश्वव्यापी संटकको बेला नेपालीहरुको रक्षाको लागि आफ्नो तर्फबाट सहयोग गर्ने इच्छाले महालक्ष्मी लाइफ इन्स्योरेन्स लिमिटेडको प्रमुख कार्याकारी अधिकृत भएको हैसियतले मैले मासिक पाउने २ महिनाको तलव भत्ता बराबरको रकम सरकारको कोरोना भाइरस रोकथाम, नियन्त्रण तथा उपचार कोषमा जम्मा गर्ने घोषणा गरेको उनले बताएका छन् ।