बीमा समितिमा कार्यरत सबै कर्मचारी कोरोना बीमालेखको दायरामा आएका छन् । बीमा समितिले समितिमा कार्यरत ८० जना कर्मचारीको बीमा गरेको जनाएको छ ।
बीमा समितिका सूचना अधिकारी निर्मल अधिकारीले समितिमा कार्यरत ८० जना कर्मचारीको बीमा गरिएको जानकारी दिए । समितिले आफ्ना कर्मचारीलाई आईएमई जनरल इन्स्योरेन्समा बीमा गरेको जनाएको छ । ‘समितिमा कार्यरत ८० जना कर्मचारीको स्वास्थ्य बीमा आईएमई जनरल इन्स्योरेन्समा गरिएको थियो । कोरोना भाइरसको बीमा पनि आइएमई जनरल इन्स्योरेन्समा नै गरिएको छ ।’ उनले भने । समितिमा कार्यरत ८० जना कर्मचारीको एक लाख रुपैयाँको बीमा गरेको जनाएको छ ।
कोरोना भाइरस बीमालेख आइतबारदेखि औपचारिक रुपमा शुरु भएको हो । बीमा समितिका अध्यक्ष चिरञ्जीवी चापागाईले कोरोना भाइरस सम्बन्धी पहिलो बीमालेख खरिद गरी औपचारिक रुपमा शुरु गरेका थिए ।
कोरोना बीमालेखमा सरिक भएका बीमितमा पिसिआर चेक गर्दा पोजेटिभ आए दावी पाउँछन् । कोरोना भाइरस बीमालेखको अवधि बीमालेख शुरु भएको मितिदेखि १२ महिना सम्म हुने छ ।
