कोरोना बीमावापत कम्पनीहरुले भुक्तानी गर्न बाँकी दावी रकम १ करोड भन्दा बढी रहेको छ । बीमक संघले उपलब्ध गराएको तथ्याङ्कअनुसार बीमा कम्पनीहरुले भुक्तानी गर्न बाँकी रकम १ करोड २७ लाख रुपैयाँ रहेको छ । १ सय २८ दावीवापत १ करोड २७ लाख रुपैयाँ भुक्तानी गर्न बाँकी छ । एक लाख रुपैयाँ बीमालेखअतर्गत बीमा कम्पनीहरुले १२६ दावीवापत १ करोड २६ लाख रुपैयाँ भुक्तानी गर्न बाँकी छ । भने ५० हजार रुपैयाँ बीमालेखअन्तर्गत २ दावीवापत १ लाख रुपैयाँ भुक्तानी गर्न बाँकी छ ।
कति भयो भुक्तानी ?
कोरोना बीमाअन्तर्गत १८१ वटा दावी परेका छन् । जसअन्तर्गत बीमा कम्पनीहरुले ५३ वटा दावीको भुक्तानी गरेका छन् । बीमक संघले उपलब्ध गराएको तथ्याङ्कअनुसार ५३ दावी वापत कम्पनीहरुले ५० लाख रुपैयाँ दावी भुक्तानी गरेका छन् । एक लाख रुपैयाँको बीमालेखअन्र्तगत ४७ वटा र ५० हजार रुपैयाँ बीमालेखअन्तर्गत ६ वटा दावी परेका छन् । एक लाख रुपैयाँको बीमालेखअन्र्तगत ४७ वटा दावी वापत कम्पनीहरुले ४७ करोड रुपैयाँ दावी भुक्तानी गरेका छन् । त्यस्तै, ५० हजार रुपैयाँको बीमालेखअन्तर्गत ६ वटा दावीवापत ३ लाख रुपैयाँ भुक्तानी गरेका छन् ।
६ लाख बढीले गरे कोरोना बीमा
६ लाख ६९ हजार ७०८ जनाले कोरोना बीमालेख खरिद गरेका छन् । ६८ हजार ७९२ वटा बीमालेख जारी भएका छन् । बीमक संघको तथ्याङ्क अनुसार बीमा कम्पनीहरुले ३७ करोड ७४ लाख २७ हजार ७८२ रुपैयाँ बीमाशुल्क संकलन गरेका छन् ।
हेर्नुस् कसको कति ?
