महालक्ष्मी लाइफ इन्स्योरेन्सले गत आर्थिक वर्षको चौथो त्रैमासको वित्तीय विवरण प्रकाशित गरेको छ । कम्पनीले बीमा कम्पनीहरुको प्रमुख सुचक मानिने खुद बीमाशुल्क २४५ प्रतिशतले बढाउन सफल भएको छ । कम्पनीले प्रकाशित गरेको वित्तीय विवरणअनुसार गत आर्थिक वर्षको अन्त्यसम्ममा इन्स्योरेन्सले ८६ करोड ८३ लाख ४४ हजार रुपैयाँ खुद बीमाशुल्क आर्जन गरेको छ । अघिल्लो आर्थिक वर्षमा इन्स्योरेन्सले २५ करोड १९ लाख ९२ हजार रुपैयाँ खुद बीमाशुल्क आर्जन गरेको थियो ।
असार मसान्तसम्ममा इन्स्योरेन्सले ८ करोड रुपैयाँ खुद नाफा कमाएको छ । जुन अघिल्लो आर्थिक वर्षको सोही अवधिको तुलनामा ८१७ प्रतिशतले बढी हो । अघिल्लो आर्थिक वर्षको सोही अवधिमा इन्स्योरेन्सले ८७ लाख ३४ हजार रुपैयाँ खुद मुनाफा आर्जन गरेको थियो ।
बीमा कम्पनीहरुको वास्तविक मुनाफा एक्चुअरी भ्यालुएसन रिपोर्ट आएपछि मात्र देखीने र बीमा कम्पनीले वार्षिक विवरणलाई मात्रै एक्चुअरी भ्यालुएसनको लागि पठाउने हुँदा यो नै इन्स्योरेन्सको वास्तविक मुनाफा भने होइन । एक्चुअरी भ्यालुएसन इन्स्योरेन्सको यो मुनाफामा फेरबदल आउन सक्ने छ ।
१ अर्ब रुपैयाँ चुक्ता पूँजी रहेको यस इन्स्योरेन्सको जगेडा कोषमा ८ करोड २५ लाख रुपैयाँ रहेको छ । त्यस्तै, जीवन बीमा कोषमा ८१ करोड ६ लाख रुपैयाँ रहेकको छ ।
यस अवधिमा कम्पनीमा १२ हजार ४३६ वटा बीमालेख कायम भएका छन् । ५ वटा दावी भुक्तानी गरेको छ ।