पुष महिनाको ९ गतेसम्म १५ हजार बढीले कोरोना बीमा दावी रकम पाएका छन् । बीमा समितिका अनुसार पुष ९ गतेसम्म १५ हजार ३८१ जनाले दावी रकम पाएका हुन् ।
पुष ९ गतेसम्म कुल २८ हजार २९४ जनाको दावी रकमका लागि प्रक्रिया पुरा भएको छ । जसमध्ये १५ हजार ३८१ जनाले दावी बराबरको कुल एक अर्ब ५० करोड ११ लाख ७५ हजार रुपैयाँ पाएका हुन् । यसरी सबै प्रक्रिया पुरा गरेका १२ हजार ९१३ जनाले भने दावी रकम पाउँन बाँकी छ ।
त्यस्तै, बीमा दावीका लागि आवेदन दिएका मध्ये २ हजार ५३ जनाको आवेदन रद्द भएको छ भने ३ हजार ५५५ जनाको कागजात स्वीकृती हुन बाँकी छ ।
