जनरल इन्स्योरेन्स General Insurance Company Nepal को तेस्रो वार्षिक साधारण सभा सम्पन्न भएको छ । कम्पनीको केन्द्रीय कार्यालयमा आज साधारण सभा सम्पन्न भएको हो ।
सभाले आर्थिक वर्ष ७६/७७ को वार्षिक प्रतिवेदन पारित गर्ने, लेखापरिक्षकको प्रतिवेदन सहित अन्य वित्तीय विवरण छलफल गरि पारित गर्ने, आर्थिक वर्ष ७७/७८ को लागी बाह्य लेखापरीक्षक नियुक्त गरि निजको पारिश्रमिक तोक्ने प्रस्ताव पारित गरेको छ । त्यस्तै विशेष प्रस्ताव अन्तर्गत कम्पनीले कोभिड १९ राहत कोषमा सहयोग गरेको रकम अनुमोदन गर्ने प्रस्ताव पारित गरेको छ ।
सभाले सर्वसाधारण शेयरधनीहरुको प्रतिनिधित्व गर्ने गरि संचालकमा सरस्वती गौतम ज्ञवाली, र अमृत बन्जाडेलाई निर्विरोध निर्वाचित गरेको छ ।