नेपाल पुनर्बीमा कम्पनीको अध्यक्षमा डा. रबीन्द्र घिमिरे नियुक्त भएका छन् । आज सोमबार बसेको मन्त्रिपरिषद्को बैठकले डा. घिमिरेलाई अध्यक्ष पदमा नियुक्त गर्ने निर्णय गरेको सरकारका प्रवक्ता तथा सञ्चार तथा सूचना प्रविधिमन्त्री ज्ञानेन्द्रबहादुर कार्कीले जानकारी दिए । बैठकले कम्पनीको संचालक समिति सदस्यमा मदन पोखरेललाई नियुक्त गरेको छ।
बिमा विषयमै विद्यावारिधि गरेका घिमिरे बीमा विज्ञको रुपमा परिचित छन् । उनी हाल पोखरा विश्वविद्यालयमा प्राध्यापकको रुपमा कार्यरत छन्। त्यस्तै सदस्य नियुक्त भएका पोखरेल मिनभवन क्याम्पसमा अध्यापन गराउदछन् ।
कम्पनीमा नेपाल सरकारको ४४.०३ प्रतिशत स्वामित्व रहेको छ ।