लाइफ इन्स्योरेन्स कर्पोरेशन नेपालले बाल समृद्दि नामक बीमा योजनाको शुभारम्भ गरेको छ । यो योजनामा १६ वर्ष उमेर पुरा नहुँदासम्म बुझाएको बीमा शुल्कले २० वर्ष उमेर हुँदासम्म जोखिम बहन हुने कम्पनीले जनाएको छ ।
कम्पनीका अनुसार अधिकतम ११ वर्ष सम्म उमेर पुगेका बालबालिका यस योजानाको लागि बीमा योग्य हुन्छन् र बालबालिका १६ वर्ष पुगे पछि कुनै बीमा शुल्क बझाउनु पर्दैन । बालबालिकाको १६, १७,१८,१९ र २० औं जन्मदिन पछिको बीमा वर्ष दिवसमा बीमाङ्कको २० % को दरले अग्रिम रुपमा र अन्तिम वर्षमा आर्जित बोनश सहित रकम भुक्तानी हुने यस योजनाको विशेषता छ ।
त्यसै गरी कथमकदाचित प्रस्तावकको अस्वभाविक तवरले जीउ-ज्यान गएमा प्रत्येक बीमालेख महिना दिवसमा बीमाङ्कको १ % रकम मासिक आम्दानीको रुपमा भुक्तानी गर्दै बाँकी सम्पूर्ण बीमा शुल्कहरु मिनाहा भई बीमालेख चालू अवस्थामा रहने कम्पनीले जनाएको छ ।
मुख्य विशेषताहरुः
१६ वर्ष हुँदासम्म बुझाएको बीमा शुल्कले २० वर्ष हुँदासम्म जोखिम बहन हुने एक मात्र योजना
प्रत्येक बीमालेख महिना दिवसमा बीमाङ्कको १ % रकम मासिक आम्दानी लाभको रुपमा भुक्तानी गरिने
(यदि प्रस्तावकको मृत्यु भएमा)
बालबालिकाको १६, १७,१८,१९ र २० औं जन्मदिन पछिको बीमा वर्ष दिवसमा बीमाङ्कको २० % को दरले र अन्तिम २० औं वर्षमा आर्जित बोनश सहित रकम भुक्तानी गर्ने धन फिर्ता योजना
कुनै कारणले प्रस्तावकको मृत्यु भएमा सम्पूर्ण बीमा शुल्कहरु मिनाहा भई बीमालेख चालू अवस्थामा रहने
अन्य अवस्थाहरूः-
न्यूनतम बीमाङ्कः रु. ५०,०००/-
अधिकतम बीमाङ्कः कम्पनीको जोखिमांकन नियमानुसार
न्यूनतम उमेर प्रवेशमाः ० वर्ष
अधिकतम उमेर प्रवेशः ११ वर्ष
बीमाशुल्क भुक्तानी अवधिः १६ वर्ष उमेर
बीमाशुल्क भुक्तानी तरिकाः एकल बीमाशुल्क भुक्तानी वा वर्षिक , अर्धवार्षिक, त्रैमासिक तथा मासिक
