सानिमा जिआईसी इन्स्योरेन्सको प्रमुख कार्यकारी अधिकृतमा सुद्युम्न प्रसाद उपाध्याय नियुक्त भएका छन् । कार्तिक ७ गते बसेको संचालक समितिको बैठकले उनलाई सीइओ नियुक्त गर्ने निर्णय गरेको हो ।
उनि यस अघि सानिमा जनरल इन्स्योरेन्सको सीइओ थिए । साविकको सानिमा जनरल इन्स्योरेन्स र जनरल इन्स्योरेन्स कम्पनी मर्ज भएर सानिमा जिआईसी इन्स्योरेन्स कम्पनी बनेको हो।
त्यस्तै सानिमा जिआईसी इन्स्योरेन्समा नयाँ संचालक समिति पनि गठन भएको छ । जस अनुसार कम्पनीको अध्यक्षमा कुनाल कयाल चयन भएका छन् भने संचालकहरुमा डा. हेमन्त कुरा दवाडी, सोनाम गयाछो, कृष्ण बोहोरा, मिट मुरारका अग्रवाल, र प्रकाशमान श्रेष्ठ चयन भएका छन्।
मर्जर पश्चात सानिमा जिआईसी इन्स्योरेन्स लिमिटेडको नामबाट कार्तिक ७ गतेदेखि एकिकृत निर्जीवन बीमा सेवा कारोवार भएको हो । दुवै कम्पनीको २०७९।०६।११ गते सम्पन्न विशेष साधारण सभाले मर्जर प्रस्ताव पारित गरेको थियो । त्यस्तै बीमा समितिबाट २०७९।०६।१४ गते मर्जरको अन्तिम स्वीकृति पत्र पाएको र कम्पनी रजिष्ट्रारको कार्यालयबाट २०७९।०६।२७ गते स्वीकृति पत्र पाएको थियो ।
यी दुई कम्पनी १:१ को स्वापमा मर्ज भएका हुन् ।
