विश्व बजारमा वार्षिक ६७ खर्ब ८२ अर्ब २३ करोड डलर बढीको बीमा व्यवसाय हुने गरेको छ । स्विस रि–इन्स्योरेन्स ले सार्वजनिक गरेको विश्व बीमा तथ्यांकसम्वन्धी प्रतिवेदन ‘वर्ल्ड इन्स्योरेन्स रिपोर्ट’मा यसबारे उल्लेख छ ।
यो भनेको ९० नील ८७ खर्ब ५० अर्ब रुपैयाँ हुन आउँछ । यो तथ्यांकलाई नेपाल बीमा प्राधिकरणले आफ्नो पछिल्लो बार्षिक प्रतिवेदनमा पनि उल्लेख गरेको छ ।
सन् २०२२ विश्वमा ६७ खर्ब ८२ अर्ब २३ करोड डलर बीमाशुल्क संकलन भएको थियो । यो सन् २०२१ को तुलनामा ०.२५ प्रतिशतले बढी हो । स्विस रिको तथ्यांकअनुसार सबैभन्दा धेरै बीमाशुल्क संकलन गर्ने मामिलामा अमेरिका नै अग्रस्थानमा देखिएको छ । सन् २०२२ मा अमेरिकामा २९ खर्ब ६० अर्ब डलर बराबरको बीमाशुल्क संकलन भएको छ । विश्व बीमा बजारमा अमेरिका एक्लैको ४३.७ प्रतिशत हिस्सा छ ।
दोस्रो स्थानमा चीन छ । उक्त अवधिमा चीनमा मात्रै ६ खर्ब ९८ अर्ब डलर बराबरको बीमाशुल्क आर्जन भएको छ । चीनको विश्व बीमा बजारमा १०.३८ प्रतिशत योगदान छ । तेस्रोमा भने बेलायत छ । उक्त देशले भने ३ खर्ब ६३ अर्ब डलर बीमाशुल्क संकलन गरेको छ । विश्व बीमा बजारमा उसको योगदान ५.४ प्रतिशत छ । उक्त अवधिमा भारतले भने १ खर्ब ३१ अर्ब डलर बीमाशुल्क आर्जन गरेको छ । धेरै बीमाशुल्क संकलन गर्नेमा भारत १०औं नम्वरमा छ ।
तथ्यांकअनुसार २० वटा देशले मात्रै सन् २०२२ मा ६१ खर्ब ६५ अर्ब डलर बीमाशुल्क संकलन गरेका छन् । विश्व बीमा बजारमा उक्त २० देशको हिस्सा ९१ प्रतिशत छ । 
.gif)
