नेपाल बीमा प्राधिकरणले महिला सञ्चालकका रूपमा राधा पोखरेललाई नियुक्त गरेको छ। सरकारले प्राधिकरणमा रिक्त रहेको महिला सञ्चालकको पदमा पोखरेललाई चैत १ गतेदेखि लागू हुने गरी नियुक्त गरेको हो।
पोखरेललाई आगामी चार वर्षका लागि नेपाल बीमा प्राधिकरणको महिला सञ्चालकको रूपमा जिम्मेवारी दिइएको छ। उनी नेपाल पूँजी बजार लगानीकर्ता संघकी अध्यक्ष हुन्। साथै, दुई वर्षअघि विशाल बजार कम्पनीको सञ्चालक पदमा नियुक्त भइसकेकी थिइन्।
बीमा क्षेत्रको नीति निर्माण र नियमनमा उनको भूमिकालाई महत्वपूर्ण मानिएको छ। पूँजी बजार र वित्तीय क्षेत्रमा लामो अनुभव भएका कारण पोखरेलले बीमा क्षेत्रको सुधारमा योगदान गर्ने अपेक्षा गरिएको छ। उनका कार्यकालमा बीमा क्षेत्रको थप विकास र सुधारात्मक नीति निर्माण हुने विश्वास गरिएको छ।
.gif)
.gif)
