विश्वकप जितेको अर्जेन्टिनाले पायो ५ अर्ब ५७ करोड पुरस्कार, अन्य ३१ टिमले कति पाए ? (सूचीसहित)

दक्षिण अमेरिकी राष्ट्र अर्जेन्टिनाले ३६ वर्षपछि फिफा विश्वकप फुटबल प्रतियोगिताको उपाधि उचालेको छ ।  कतारको दोहास्थित लुसेल रङ्गशालामा भएको २२औँ संस्करणको फाइनल खेलमा  फ्रान्सलाई टाइब्रेकरमा ४–२ गोलअन्तरले हराउदै अर्जेन्टिनाले विश्वकपको उपाधिमा ह्याट्रिक गरेको हो । यसअघि अर्जेन्टिनाले सन् १९७८ र १९८६ मा दुई पटक उपाधि जितिसकेको छ । 

अर्जेन्टिना विश्वपकपको समूह चरणको पहिलो खेलमा साउदी अरेवियासँग पराजित भएपनि उपाधि उचाल्न सफल भयो । अर्जेन्टिना यसअघि सन् २०१४ मा फाइनल पुगेको थियो । उक्त फाइनलमा अर्जेन्टिना जर्मनीसँग पराजित भएको थियो ।

फिफालेयस पटकको विश्वकपको लागि कुल ४४० मिलियन डलर पुरस्कार राशी राखेको थियो । जुन सबै टिमले पाउने छन् । एक खेल पनि नजितेपनि सहभागी भएका टिमले पुरस्कार पाउने छन् । 

उपाधि जितेको अर्जेन्टिनाले ४२ मिलियन अमेरिकी डलर नगद पुरस्कार जितेको छ  । चार वर्षअघि रूसमा भएको विश्वकपमा विजेता फ्रान्सले ३८ मिलियन डलर पुरस्कार पाएकोमा यस पटक पुरस्कार रकम ४ मिलियन डलरले बढाईएको थियो ।  

त्यस्तै उपविजेता फ्रान्सले  ३० मिलियन अमेरिकी डलर पाएको छ भने तेस्रो भएको क्रोएसियाले २७ मिलियन डलर र चौथो भएको मोरोक्कोले २५ मिलियन डलर पाएको छ।