सुर्योदय लघुवित्त Suryodaya Laghubitta Bittiya Sanstha Limited ले साधारणसभा आह्वान गरेको छ । कम्पनीले पुस ५ गते स्याङ्गजाको पुतलीबजारमा सभा आह्वान गरेको हो । सभामा लाभाश र मर्जरसहितका विभिन्न १८ प्रस्ताव पेश हुने छन् ।
कम्पनीले आर्थिक बर्ष ७५/७६ को मुनाफाबाट ४४.४७७८ प्रतिशत बोनस शेयर र कर प्रयोजनको लागि २.३४०९ प्रतिशत नगद लाभांश वितरण गर्ने प्रस्ताव गरेको छ । कम्पनीको साधारणसभाले पारित गरेपछि उक्त लाभांश लगानीकर्तामा वितरण हुने छ ।
कम्पनीले त्रिलोक लघुवित्तलाई गाभ्ने तयारी गरेको छ। साधारणसभामा त्रिलोकलाई गाभ्ने प्रस्ताव पनि पेश हुने छ । सुर्योदयले त्रिलोकलाई १००:९७ को स्वाप रेसियोमा गाभ्न लागेको हो । हाल सुर्योदयले प्रस्ताव गरेको बोनसपछि कम्पनीको चुक्ता पुंजी १५ करोड ५९ लाख पुग्ने छ । त्यस्तै त्रिलोकलाई गाभेपछि बन्ने कम्पनीको चुक्ता पुंजी २१ करोड ५० लाख बन्ने छ । त्यसपछि कम्पनीले शत प्रतिशत हकप्रद निष्काशन गर्ने छ । शत प्रतिशत हकप्रदपछि कम्पनीको चुक्ता पुंजी ४३ करोड ८५ हजार पुग्ने छ । कम्पनीले साधारणसभामा अधिकृत पुंजी ६० करोड पुर्याउने प्रस्ताव पनि पेश गर्ने छ ।
