स्वाबलम्बन लघुवित्त Swabalamban Laghubitta Bittiya Sanstha Limited ले साधारणसभा आह्वान गरेको छ। कम्पनीले पुस २० गते आइतबार काठमाडौँ स्थित गैरीधाराको एलिस रिसेप्सनमा सभा आह्वान गरेको हो ।
कम्पनीको साधारणसभामा लाभांश सहितका ९ प्रस्ताव पेश हुने छन् । कम्पनीले आर्थिक बर्ष ७५/७६ सम्मको मुनाफाबाट लगानीकर्तालाई १४ प्रतिशत नगद लाभांश र २६ प्रतिशत बोनस शेयर गरी कुल ४० प्रतिशत लाभांश दिने प्रस्ताव गरेको छ । कम्पनीको साधारणसभाले पारित गरेपछि लगानीकर्तामा उक्त लाभांश वितरण हुने छ ।
साधारणसभामा वित्तीय विवरण पारित गर्ने, बार्षिक प्रतिवेदन पारित गर्ने, लेखापरीक्षक नियुक्ति गरि निजको पारिश्रमिक तोक्ने, प्रबन्धपत्र र नियामावलीमा आवश्यक संशोधन गर्ने, सर्वसाधारण शेयरधनीको तर्फबाट १ जना संचालक नियुत गर्ने लगायतका प्रस्ताव पेश हुने छन् । त्यस्तै सभामा संस्थाको मर्जर र प्राप्ति सम्बन्धि आवश्यक निर्णय गर्ने अख्तियारी संचालक समितिलाई दिने प्रस्ताव पनि पेश हुने छ ।
कम्पनीले साधारणसभा प्रयोजनको लागि पुस १ गतेदेखि बुक क्लोज गर्ने निर्णय गरेको छ । मङ्सिर ३० गते सम्म कायम शेयरधनीले मात्र साधारणसभामा भाग लिन र प्रस्तावित लाभांश पाउन सक्ने छन् ।