एभरेष्ट बैंक Everest Bank Limited ले साधारणसभा प्रयोजनको लागि बुक क्लोज मिति तय गरेको छ। बैंकले पुस २३ गते साधारणसभा आह्वान गरेको छ । जसको लागि बैंकले पुस ४ गतेदेखि २३ गतेसम्म बुक क्लोज गर्ने निर्णय गरेको छ । पुस ३ गतेसम्म कायम शेयरधनीले मात्र साधारणसभामा भाग लिन र प्रस्तावित लाभांश पाउन सक्ने छन् ।
बैंकले लगानीकर्तालाई ७५/७६ को मुनाफाबाट २० प्रतिशत नगद लाभांश र ५ प्रतिशत बोनस शेयर गरी कुल २५ प्रतिशत लाभांश वितरण गर्ने प्रस्ताव गरेको छ । साधारणसभाले पारित गरेपछि उक्त लाभांश लगानीकर्तामा वितरण हुने छ । हाल बैंकको चुक्ता पुंजी ८ अर्ब ६ करोड रहेको छ ।