नेपाल बैंक Nepal Bank Limited को विशेष साधारणसभा सम्पन्न भएको छ । सोमबार बिहान ११ बजे अनलाइन अर्थात् जुमको माध्यम सभा संचालन भएको हो ।
सभाबाट बैंकले २ वटा प्रस्ताव पारित गरेको जनाएको छ । बैंकमा नेपाल सरकारबाट प्रतिनिधित्व गर्ने संचालकको संख्या ४ बाट घटाएर ३ बनाउने र सर्वसाधारण शेयरधनीको तर्फबाट प्रतिनिधित्व गर्ने संचालकको संख्या २ बाट बढाएर ३ बनाउने प्रस्ताव पारित भएको हो ।
त्यस्तै बैंकले प्रबन्धपत्र र नियमावलीलाई समानुकुल अद्यावधिक गर्नु पर्ने भएकोले सो प्रस्ताव समेत सभाबाट पारित भएको जनाइएको छ । प्रबन्धपत्र र नियमावली परिमार्जन गर्ने अख्तियारी संचालक समितिलाई दिने प्रस्ताव पनि पारित भएको छ ।