सूर्यविनायकमा खुल्यो ३२ करोडको तरकारी बजार, के के छन् सुविधा ?

बिजपाटी संवाददाता

बिजपाटी संवाददाता

Mar 15, 2021 | 02:53:44 PM मा प्रकाशित

laxmi  sunrise bank

भक्तपुरको सूर्यविनायकमा ३२ करोड लागतमा तरकारी बजार सञ्चालनमा ल्याईएको छ । बजार व्यवस्थापन समितिले नेपालकै ठूलो तरकारी बजार भएको दाबी गरेको यो बजार फागुन अन्तिम हप्ताबाट सञ्चालनमा आएको हो । 

सूर्यविनायक हरित कृषि थोक बजारका अध्यक्ष राकेश प्रसाईका अनुसार अहिले अनौपचारिक रुपमा सुरु भएको बजार बैशाखमा कृषिमन्त्रीले उद्घाटन गर्ने कार्यक्रम छ । अहिले तरकारी बजार मात्रै सञ्चालनमा ल्याईएको र सम्पूर्ण तयारी सकिएपछि माछामासु र फलफुल बजार पनि रहने छ । 

हरेक दिन बिहान २ बजेदेखि राती ८ बजेसम्म खुल्ला रहने बजारभित्र ७५० स्टलहरु छन् । 

यो बजारभित्र पस्न र बाहिर निस्कन छुटाछुटै गेटको प्रवन्ध गरिएको छ । जाम नहोस् भन्ने उदेश्यले बजारभित्र छिर्ने र बाहिर निस्कने छुट्टाछुटटै बाटो कायम गरिएको बजार व्यवस्थापन समितिले जनाएको छ । बजारभित्र पर्याप्त पार्किङको व्यवस्था मिलाईएको छ । 

समितिले १५ वर्षका लागि जग्गा भाडामा लिएको छ ।

Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved