नयाँ सार्वजिनक खरिद ऐन ल्याउने तयारीमा छौ: मन्त्री झाक्री

बिजपाटी संवाददाता

बिजपाटी संवाददाता

Dec 08, 2021 | 05:37:07 PM मा प्रकाशित

laxmi  sunrise bank

शहरी विकास मन्त्री रामकुमारी झाँक्रीले निर्माण उद्योगलाई व्यवस्थित तथा मर्यादित बनाउन नियमावलीमा नभई ऐन कानुनमै संशोधन आवश्यक भएको बताएकी छिन् । १४ राष्ट्रिय औं निर्माण दिवसको अवसरमा नेपाल निर्माण व्यवसायी महासंघले बुधवार राजधानीमा ¥याली निकाल्नु अघि गरेको सभामा मन्त्री झाँक्रीले निर्माण व्यवसायी मैत्री कानुन आवश्यक भएको बताएकी हुन् ।

निर्माण उद्योगमा योजना छनौटदेखि कार्यान्वयन चरण सम्म समस्या रहेकाले कानुन संशोधन अपरिहार्य भएको उनको भनाई थियो । सरोकारवाला पक्षहरूको सुझाव सहित सरकार नयाँ सार्वजिनक खरिद ऐन ल्याउने तयारीमा रहेको जानकारी मन्त्री झाँक्रीले बताईन्।

‘देशको अर्थतन्त्रलाई चलायमान बनाउन पनि निर्माण उद्योग सशक्त हुनु जरुरी छ’ मन्त्री झाँक्रीले भनिन् । समाज र सिङ्गो मुलुकले निर्माण व्यवसायीलाई इज्जत दिनु जरुरी रहेको भन्दै उनले निर्माण व्यवसायीहरूलाई पनि आफ्नो क्षमता अभिवृद्धि गर्न सुझाव दिईन् । निर्माण कम्पनीहरूलाई मर्ज गरी पब्लिक कम्पनीमा लैजान आग्रह गर्दै उनले निर्माण उद्योगमा क्रियाशील श्रमीकहरूको हक हितलाई प्राथमिकतामा राख्नुपर्ने बताईन्।

कार्यक्रममा नेपाल निर्माण व्यवसायी महासंघका अध्यक्ष रवि सिंहले निर्माण उद्योगको विकास विस्तार विना समृद्ध मुलुकको परिकल्पना असम्भव रहेको बताए । निर्माण उद्योगमा धेरै समस्या रहेको भन्दै उनले वर्तमान सरकारले व्यवसायी मैत्री ऐन नियम ल्याउनेमा महासंघ आशावादी रहेको समेत बताए ।

 बाजागाजा, प्लेकार्डको प्रदर्शनी  सहित दशरथ रङ्गशालाबाट शुरु भएको ¥याली थापाथली, माईतिघर, बबरमहल हुँदै महासंघ सचिवालय अनामनगरमा पुगेको थियो । महासंघ सचिवालयमा आयोजित समापन समारोहमा महासंघका सल्लाहकार तथा पूर्व अध्यक्ष सुकुन्तलाल हिराचन, निवर्तमान अध्यक्ष विष्णुभाइ श्रेष्ठ, वरिष्ठ उपाध्यक्ष निकोलस पाण्डे लगायतले निर्माण व्यवसायीहरूलाई शुभकामना दिएका थिए । निर्माण दिवसकै अवसरमा महासंघ प्राङ्गणमा आयोजित कार्यक्रममा ३४ जनाले रक्तदान गरेका थिए । यसै अवसरमा प्रदेश महासंघ, जिल्ला निर्माण व्यवसायी संघहरूले विविध सामाजिक कार्यक्रम आयोजना गरि १४ औं राष्ट्रिय निर्माण दिवस मनाएका हुन्। 

Share Your Thoughts

Recent News

Main News

Close in 7


Bizpati.com © 2020. All Rights Reserved