प्रतिनिधिसभाको अन्तराष्ट्रिय सम्बन्ध समितिले निजगढ अन्तराष्ट्रिय विमानस्थलको काम तत्काल अघि बढाउन सरकारलाई निर्देशन दिएको छ ।
सिंहदरबारमा बसेको समितिको बैठकले विमानस्थलको काम अघि बढाउन आवश्यक कानुनी, प्रशासनिक र व्यवहारिक काम गर्न सरकारलाई निर्देशन दिएको हो।
ुराष्ट्रिय हित, सुरक्षा र आर्थिक विकासको दृष्टिबाट अत्यावश्यक निर्माणाधीन निजगढ अन्तर्राष्ट्रिय विमानस्थलको निर्माण कार्यलाई शीघ्र अघि बढाउन आवश्यक कानुनी, प्रशासनिक र व्यवहारिक कार्य गर्न नेपाल सरकारलाई निर्देशन दिने’ समितिको निर्णयमा भनिएको छ ।
समितिले लामो अध्ययन र राष्ट्रिय गौरवको आयोजनाका रुपमा बनाउने भनिएको निजगढ अन्तराष्ट्रिय विमानस्थल निर्माणको कार्य रोक्ने निर्णय कुनै पनि दृष्टिबाट उचित नदेखिने जनाएको छ ।
सर्वोच्च अदालतले केही दिन अघि निजगढ विमानस्थल नबनाउन आदेश दिएको थियो ।
