चितवनको नारायणी नदीमा आजबाटछ ‘क्रुज सिप’ सञ्चालनमा आउने भएको छ । राइनो वाटर इन्टरटेन्मेन्ट प्रा.लि.ले नारायणी नदी किनारमा आजबाट व्यवसायिक रुपमा क्रुज सिप सञ्चालन गर्न लागेको हो ।
राइनो वाटर इन्टरटेन्मेन्ट प्रा.लि.का कार्यकारी निर्देशक दिपक ढुंगेलका अनुसार आजबाट क्रुज सञ्चालन हुँदैछ । २ वर्ष अगाडि नै परीक्षण गरेर राखिएको भएपनि कोरोना महामारीका कारण व्यवसायिक रुपमा सञ्चालन हुन सकेको थिएन ।
३ तला रहेको क्रुजमा एक पटकमा १८० जना यात्रु चढ्न सक्छन् । क्रुज चढ्न ७ सय रुपैयाँ शुल्क तिरेर टिकट काट्नुपर्ने हुन्छ । हरेक यात्रुको १० लाख रुपैयाँ बराबरको बीमा हुनेछ ।
क्रुज सिपभित्र रेष्टुरेण्ट, सांस्कृतिक कार्यक्रमका लागि स्टेज, बैठक हलसमेत राखिएका छन् ।
