इण्डियन विद्युतीय गाडी कम्पनी पियोर ईभीको नयाँ मोडलको स्कुटर नेपालमा भित्रिएको छ। कम्पनीले नयाँ मोडलको ई प्लुटो७जी स्कुटर नेपाली बजारमा ल्याएको हो ।
अधिकतम गति ६० किलोमिटर प्रतिघण्टा रहेको सो स्कुटरमा २.५ किलोवाट क्षमताको ब्याट्री रहेको कम्पनीले जनाएको छ । यो स्कुटरमा एक पटक चार्ज गर्दा १०० किलोमिटरसम्म यात्रा गर्न सकिन्छ । यस स्कुटरको ब्याट्रीमा ४० हजार किलोमिटरसम्म वारेन्टि रहेको छ ।
नेपालमा उक्त स्कुटर ह्वाईट लोटस मोटरले भित्र्याएको हो।
कम्पनीले यस स्कुटरको बजार मूल्या २ लाख ४९ हजार रुपैयाँ कायम गरेको छ । तर, एक महिनासम्म अर्थात मंसिर २६ गतेसम्म यस स्कुटर किन्दा २५ हजार रुपैयाँ छुट पाईने कम्पनीले जनाएको छ ।