भेलोसिटीले रमा एम भि अगष्टाको नयाँ चार मोडलका मोटरसाईकल नेपालमा भित्र्याएको छ । कम्पनीले नेपालमा प्रिमियम स्पोर्टस् बाइकको क्रेजलाई मध्यनजर गर्दै ४ नयाँ मोडलहरु नेपाली बजारमा भित्राएको हो ।
कम्पनीले ब्रुटल८००आरआर, ड्रागस्टेर ८०० आरआर पीरल्ली, टुरिज्मो भेलभ ८०० र ड्रागस्टेर ८०० आरआर अमेरिका मोडलहरु नेपालमा भित्र्याएको हो ।
कम्पनीले ब्रुटल८००आरआरको बजार मूल्य ४८ लाख ९० हजार रुपैयाँ, ड्रागस्टेर ८०० आरआर पीरल्लीको ५९ लाख ९० हजार, टुरिज्मो भेलभ ८०० को ५७ लाख ९० हजार र ड्रागस्टेर ८०० आरआरको ५७ लाख ९० हजार रुपैयाँ तोकेको छ ।
सन् १९०७ मा उड्डयन कम्पनीबाट थालनी गरेकोे एम भि अगष्टा हाल इटालियन मोटरसाइकल उत्पादन गर्ने एक कम्पनीको रुपमा स्थापित भएको छ ।