नेपालका लागि होण्डा मोटरसाइकल तथा स्कुटरको अधिकारिक बिक्रेता स्याकार ट्रेडिङ्ग कम्पनि प्रा. लि. ले होण्डाको CB 350 DLX नेपाली बजारमा लन्च गरेको छ । कम्पनिका अध्यक्ष सौरभ ज्योतिद्वारा यूट्युबमा प्रिमियर गरिएको एक भिडियो मार्फत यो बाइकलाई नेपाली बजारमा सार्वजनिक गरिएको हो ।
यस CB 350 DLX ले नेपाली बाइक पारखीको मन जित्नेमा विश्वस्त रहेको ज्योतिले बताएका छन् । ३५० सिसिको इन्जिन रहेको यो बाइकमा मोर्डन फिचरहरु छन् ।
यस बाइक सिङ्गल टोनमा प्रिसियस रेड मेटालिक, म्याट मार्सल ग्रिन मेटालिक, पर्ल नाइट स्टार ब्याल्क गरी ३ विभिन्न रङ्गहरुमा उपलब्ध छ । रियल टाइम माइलेज, एभरेज माइलेज र डिस्ट्यान्स टू एम्प्टी सूचित गर्ने डिजिटल क्नसोल, रिङ्ग टाइप विंकर सहित एलईडी हेड ल्याम्प र टेल ल्याम्प, एस्सिट एण्ड सिल्पर क्लच् डिजिटल मिटर, लामो सिट जस्ता यस बाइकका विशेषताहरु हुन् ।
नेपाली बजारमा यसको मूल्य ७ लाख ५० हजार तोकिएको छ ।