हुन्डाईका लागि नेपालका आधिकारिक विक्रेता लक्ष्मी इन्टरकन्टिनेन्टल प्रा. लि. ले आफ्नो नयाँँ वर्ष योजना “यो नयाँँ वर्ष २०७८, हुन्डाई चढौं अघि बढौं” लाई असार ३१ गतेसम्म विस्तार गरेको छ ।
पहिले यस योजनाको अवधि १९ चैत्र, २०७७ देखि १७ वैँशाख, २०७८ सम्म रहेको थियो । तर कोभिड–१९, निषेधाज्ञाका कारण यस योजना स्थगित भएको थियो । ग्राहकलाई मध्यनजर गर्दै यस योजना ८ असारदेखि ३१ असारसम्म पुनः सुचारु गरिएको कम्पनीले जनाएको छ ।
यो योजना अन्तर्गत हुन्डाईको हरेक गाडी खरिदमा ग्राहकहरुले आकर्षक नगद छुट स्क्रयाच कार्ड मार्फत ७८ हजारसम्मको अतिरिक्त छुट, १५ हजार बराबरको लोयल्टी बोनस, १ लाख सम्मको एकसचेन्ज बोनस तथा १ वर्षको बीमा सुबिधा प्राप्त गर्न सक्नेछन् । हुन्डाईले आफ्नो सम्पूर्ण गाडीहरुमा ६ वर्षको निःशुल्क सर्भिस तथा ३ वर्षको वारेन्टी सुविधा उपलब्ध गराउँदै आइरहेको छ ।
हुन्डाई नेपालले सबै शोरुम तथा सर्भिस सेन्टरहरु कोभिड(१९ को सुरक्षा प्रोटोकल पालना गरी सन्चालन गरिने जनाएको छ । लक्ष्मी इन्टरकन्टीनेन्टल प्रा. लि. ले नेपाल भरी १३ शोरुमहरु तथा १७ सर्भिस सेन्टरमार्फत ग्राहकहरुलाई सेवा प्रदान गरिरहेको छ ।
हुन्डाई मोटर कम्पनी विश्वकै ५ ठूला अटोमोवाईल उत्पादकमध्येमा पर्दछ ।