केई गाडीको टेष्ट ड्राइभ आयोजना हुँदै, हात खाली नुहने उपहारको व्यवस्था

लक्ष्मी ई–मोबिलिटीले टेष्ट ड्राइभ आयोजना गर्ने भएको छ । कम्पनीले आगामी भदौ २९ र ३० गते ‘एक्सपिरियन्स केई’ नामक कार्याक्रम आयोजना गर्न लागेको हो ।  

भदौ २९ गते केई शोरुम थापाथली र ३० गते केई शोरुम भाट–भटेनी नक्शालमा केईको इलेक्ट्रीक एसयूभी एक्स थ्रि प्रो ईभी इलेक्ट्रीक ह्याचब्याक E-Qute 04 र E-Qute 0 टेष्ट ड्राइभ गर्न सकिनेछ ।  

प्रत्येक टेस्ट ड्राइभमा सहभागीहरूलाई हात खाली नहुने गरी आकर्षक उपहारहरु राखिएको कम्पनीले बताएको छ । टेष्ट ड्राइभमा सहभागीहरु मध्ये एक जना भाग्यशालीले जर्मन अन्तरराष्ट्रिय ब्रान्ड Bosch को mixer grinder प्राप्त गर्ने छन्।  

इच्छुक व्यक्तिहरुले केईको शोरुम गएर उक्त योजनामा सहभागी भइ टेस्ट–ड्राइभ गर्न सक्ने छन् ।  लक्ष्मी ग्रूप अटोमोटिभ डिभिजन अन्तर्गत बिक्री वितरण गरिएको केई चिनियाँ ब्रान्ड हो ।

यो नाडा अटो शोमा पहिलोपटक सार्वजनिक गरिएको थियो। तत्पश्चात कम्पनीले गाडीको ड्राइभिङ अनुभव प्रदान गर्न यो कार्यक्रम आयोजना गरेको बताएको छ । हालै मात्र कम्पनीले केई ब्रान्डको सर्भिसको लागि लक्ष्मी न्यू इनर्जी सर्भिस काठमाडौंको तीनकुनेमा सञ्चालनमा ल्याएको छ।