भरतपुर विमानस्थल आजदेखि सञ्चालनमा आएको छ । नागरिक उड्डयन प्राधिकरण भरतपुरले विमानस्थलको धावनमार्ग मर्मतसम्भार गर्न मङ्सिर १५ गतेदेखि विमानस्थल बन्द गरेको थियो । धावनमार्ग मर्मत र रङ्गरोगनको काम सकिएपछि विमानस्थल आजदेखि सञ्चालनमा आएको हो ।
नागरिक उड्डयन प्राधिकरण कार्यालय भरतपुरका प्रमुख पवनकुमार गौतमका अनुसार विमानस्थलको धावनमार्गमाथि कालोपत्रे थप गरिएको छ । गौतमले विमानस्थललाई नेपाल भ्रमण वर्ष २०२० लक्षित आकर्षक बनाइएको समेत जानकारी दिएका छन् । हाल भरतपुर विमानस्थलबाटबुद्ध र यतिले दैनिक ५/५ उडान काठमाडौँमा र दैनिक १/१ उडान पोखरा गर्दै आईरहेका छन् ।