त्रिभुवन अन्तराष्ट्रिय विमानस्थलको कफि सपमा लागेको आगो नियन्त्रणमा आएको छ । विमानस्थलको अन्तराष्ट्रिय टर्मिनल भवनमा लागेको आगो नियन्त्रणमा आएको महानगरीय प्रहरी कार्यालयका प्रमुख डिआइजी विश्वराज पोखरेलले जानकारी दिए । छ । उनका अनुसार आगो लागेको केही समयमा नै नियन्त्रणमा आएको हो ।
प्रतिक्षालयमा राति ९ बजे सल्किएको आगो केही बेरमै नियन्त्रणमा आएको विमानस्थल सुरक्षा कार्यालयका निमित्त प्रमुख एसएसपी राम त्रिपाल साहले बताए । विद्युत सर्ट भएर आगो लागेको हुनसक्ने अनुमान गरिएको छ ।
आगालागीका कारण विमानस्थलको उडान केहीबेर रोकिएपनि कुनै मानवीय क्षति भएको छैन ।
