त्रिभुवन अन्तराष्ट्रिय विमानस्थलमा सोमबार राती आगो लागेपछि त्यसको छानबिन गर्न समिति बनेको छ । संस्कृति, पर्यटन तथा नागरिक उड्डयन मन्त्रालयले ७ दिनभित्र प्रतिवेदन बुझाउन भन्दै ५ सदस्यीय समिति बनाएको हो ।
समितिको संयोजकमा मन्त्रालयका सह–सचिव सुरेश आचार्य छन् । सदस्यहरुमा मन्त्रालयकै उप–सचिव राजन नेपाल, प्रहरी उपरीक्षक केदार ढकाल, नागरिक उड्डयन प्राधिकरणका निर्देशक कुल प्रसाद शिंखडा र प्राधिकरणकै उपनिर्देशक बिक्रम गौतम छन् ।
सोमबार राती ८ः१५ बजे विमानस्थलको अन्तराष्ट्रिय टर्मिनल कक्षको यात्रु प्रतिक्षालयसँगैको कफी सपमा आगलागी हुँदा विमानस्थल करिब १ घण्टा १० मिनेट अवरुद्द भएको थियो ।
यस्तो छ विज्ञप्तिः
