विदेशबाट नेपालीको उद्दार गर्न हुँदै आएको चार्टड उडान सोमबार र मंगलबार नहुने भएको छ । जेठ २३ गतेबाट नियमित रुपमा हुँदै आएको उद्दार उडान २ दिन रोकिने भएको हो ।
विमानस्थल र होल्डिङ सेन्टरको सरसफाइ गर्नुपर्ने भएकाले २ दिन उडान रोकिएको पर्यटन मन्त्रालयले जनाएको छ । एक महिना अघिदेखि निरन्तर खट्दै आएका कर्मचारीलाई आराम दिनु उपर्युक्त भएकाले २ दिन रोक्ने निर्णय गरिएको मन्त्रालयले जनाएको छ ।
अहिलेसम्म विभिन्न देशमा रहेका २२ हजार नेपाली आफ्नै खर्चमा स्वदेश फर्किएका छन् ।