नेपालका तीन नयाँ आन्तरिक विमानस्थलको ‘आइकाओ लोकेसन इण्डिकेटर’ तय भएको छ । नेपाल नागरिक उड्डयन प्राधिकरणले गुल्मी, इलाम र ओखलढुंगाका विमानस्थलको ‘आइकाओ लोकेसन इण्डिकेटर’ तयार गरेको छ ।
आइकाओको सूचकअनुसार इलामको फाल्गुनन्द कुसिलुम्बा विमानस्थललाई भीएनएफएन, गुल्मीको रेसुंगा विमानस्थललाई भीएनआरजी र ओखलढुंगाको खिजी चण्डेश्वरी विमानस्थललाई भीएनकेसी संकेतमा चिनिने भएको छ ।
यसअघि आइकाओ लोकेसन इन्डिकेटर प्राप्त नेपालका विमानस्थलको संख्या ४९ रहेकोमा अब ५२ पुगेको छ । थप तीन विमानस्थल निर्माणाधीन अवस्थामै छन् ।