नेपाल नागरिक उड्डयन प्राधिकरणले बेलायतबाट नेपाल आउन प्रतिबन्ध लगाएको छ । बेलायतमा कोरोना भाइरसको नयाँ प्रकार देखिएपछि प्राधिकरणले बेलायतबाट आउने कुनै पनि यात्रु नबोक्न एयरलाइन्सहरूलाई निर्देशन दिएको हो ।
बुधबार बेलुकादेखि लागू निर्देशनमा बेलायतबाट वा बेलायत ट्रान्जिट भएर आउने यात्रु नबोक्न एयरलाइन्सहरुलाई निर्देशन दिइएको छ ।
विश्वका ५० भन्दा बढी देशले बेलायतसँगको उडानमा प्रतिबन्ध लगाइसकेका छन् ।